Kryeministri më i ri i Kosovës i ardhur nga radhët e LDK-së, Avdullah Hoti ka marrë urime për postin e tij nga kancelarja gjermane Angela Merkel dhe këshilltari diplomatik i presidentit Macron, Emmanuel Bonne.
Hoti bën me dije se Merkel i ka shprehur gatishmërinë për bashkëpunim dhe mbështetje të mëtutjeshme për Kosovën, ndërsa Emmanuel Bonne-n e ka falenderuar për mbështetjen në të kaluarën dhe gatishmërinë e Francës për ta ndihmuar Kosovën në rrugën e integrimeve eurotlantike.
Postimi:
Sot mora mbështetje të fuqishme nga Gjermania dhe Franca!
Jam shumë i lumtur të ndaj me ju urimin që mora nga Shkëlqesia e saj, Kancelarja gjermane Angela Merkel, e cila po ashtu shprehi gatishmërinë për bashkëpunim dhe mbështetje të mëtutjeshme për Republikën e Kosovës.
Sot pata edhe një bisedë të ngrohtë telefonike me z. Emmanuel Bonne, këshilltar diplomatik i Presidentit të Republikës së Francës, Emmanuel Macron, të cilin e falënderova për mbështetjen në të kaluarën dhe gatishmërinë e Francës për ta ndihmuar Kosovën në rrugën e integrimeve eurotlantike.
#QeveriaHoti #RKS
/E.B./Fjala.al
