Presidenti Ilir Meta dhe kryeministri Edi Rama morën pjesë në mbledhjen e Këshillit Kombëtar të Integrimit që po mbahet paraditen e sotme në Pallatin e Kongreseve.
Takimin u hap nga Rudina Hajdari, e cila është kryetare e Kombëtar të Integrimit Europian, më pas mbajti një fjalë përshëndetëse, ambasadori i BE-së në Shqipëri, Luigi Soreca.
Për zhvillimet më të fundit në kuadër të përgatitjeve për procesin e negociatave në Bashkimin Europian, foli ministri në detyrë për Europën dhe Punët e Jashtme, Gent Cakaj ku prezantoi draft planin gjithëpërfshirës të masave të Integrimit Europian.
Po në panelin e parë mbajnë fjalën edhe kryetari i Kuvendit Gramoz Ruçi. Fjalën përmbyllëse e mbajti Taulant Balla, nënkryetar i Këshillit Kombëtar të Integrimit Europian.
13:01 PS propozoi 9 Majin datë për zgjedhjet, Meta: Cilësia kryesore, mbetet ende shumë punë
Presidenti Ilir Meta i është përgjigjur interesit të mediat, lidhur me propozimin e bërë një ditë më parë nga kreu i grupit parlamentar të PS-së Taulant Balla, për të mbajtur zgjedhjet e ardhshme parlamentare më 9 maj.
“Mendoj që mbledhja e sotme e Këshillit të Integrimit ishte mjaft e rëndësishme për të kuptuar detyrat që na presin e duhet ti përmbushim.
12:47 “Mu duk sikur më thirrët”/ Rama, batuta me gazetarët pas Këshillit Kombëtar të Integrimit
Menjëherë pasi ka dalë nga mbledhja e Këshillit Kombëtar të Integrimit, kryeministri Edi Rama ka zhvilluar disa batuta me gazetarët.
Rama u tha gazetarëve se nuk ishte kthyer për të dhënë komente, ndërsa kishte shtuar se ashtu ai pohoi se ishte shumë i kënaqur për mbledhjen e Integrimit.
“Nuk u ktheva për koment. Mu duk sikur më thirrët ndaj u ktheva, më ftuat. Jashtëzakonisht i kënaqur për mbledhjen. Gjithçka në rregull”, -u shpreh Edi Rama.
12:20 Ruçi mesazh Metës: Askush s’mund të cenojë Reformën në Drejtësi
“Të krijohet një Këshill Politik për ndryshimet ligjore për Reformën në Drejtësi” ishin propozimet e presidentit Ilir Meta, por që u kundërshtuan nga Kreu i Kuvendit Gramoz Ruçi.
Kryeparlamentari deklaroi se askush nuk do të cenojë këtë reformë apo të zhbëjë ato që janë arritur deri tani.
Këto deklarata të Ruçit u bënë në mbledhjen e Këshillit të integrimit, ku në të njëjtën tavolinë ndodhej dhe presidenti Ilir Meta.
12:04 “Takohemi te Baba Mondi”, Rama-Metës: Marrëveshja e fundit që bëjmë në ambasada
Kryeministri Edi Rama ka thënë sot gjatë takimit të zhvilluar për Reformën Zgjedhore se kjo do të jetë marrëveshja e fundit që do të bëhet nëpër ambasada.
Rama tha gjatë fjalës së tij se mund të takohet kudo me presidentin Ilir Meta, por sipas tij kjo do të jetë marrëveshja e fundit që bëhet me ndërhyrjen e ambasadave, ndërsa ka shtuar se në atë këshill duhet të ishte patjetër opozita.
11:34 Meta: Duhet dialog dhe reflektim, Reforma Zgjedhore të miratohet në Kuvend
Presidenti Ilir Meta vlerësoi marrëveshjen për Reformën Zgjedhore duke kërkuar që të finalizohet me miratimin në Kuvend dhe zbatimin e saj që sipas tij është sfida e vërtetë. Kreu i shtetit kërkon që të adresohen edhe kushtet e tjera dhe palët të dialogojnë dhe jo të minojnë procesin.
“Në këtë mbledhje të parë që zhvillon Këshilli Kombëtar i Integrimit Europian pas vendimit të Këshillit Europian të 25 marsit, u përcjell vlerësimet maksimale Komisionit Europian dhe vendeve anëtare të BE, për përpjekjet e tyre të palodhura në favor të vendimit të shumëpritur politik,të çeljes së negociatave të anëtarësimit me Shqipërinë.”
11:20 Takim me buzëqeshje në kohë pandemie, Rama dhe Meta bëjnë paqe
Kryeministri Edi Rama dhe presidenti Ilir Meta duket se kanë harruar ndasitë politike dhe shfaqen bashkë kur integrimin e Shqipërisë në BE. Aktualisht tek Pallati i Kongreseve po mbahet mbledhja e zgjeruar e Këshillit Kombëtar të Integrimit Europian.
Por, para takimit ajo që tërhoqi vëmendjen e medias janë takimet që këta politikanë bënë me njëri tjetrin.
Në foto shihen Meta dhe Rama që takohen dhe përshëndeten me bërryla me njëri tjetrin duke ruajtur masat e distancimit fizik për shkak të pandemisë së Covid-19.
Çfarë është Këshilli Kombëtar i Integrimit Evropian
Këshilli Kombëtar i Integrimit Evropian (KKIE) është krijuar me Ligjin Nr. 15/2015, datë 05/03/2015, “Për rolin e Kuvendit në procesin e Integrimit Europian të Republikës së Shqipërisë ne BE” , si struktura më e lartë këshillimore kombëtare për integrimin evropian që ngrihet pranë Kuvendit, me qëllim nxitjen dhe garantimin e bashkëpunimit gjithëpërfshirës ndërmjet forcave politike, institucioneve publikë dhe shoqërisë civile, si dhe rritjen e transparencës në vendimmarrjen për çështjet e integrimit./b.b/fjala.al