Kryeministri Edi Rama dhe presidenti Ilir Meta duket se kanë harruar ndasitë politike dhe shfaqen bashkë kur integrimin e Shqipërisë në BE. Aktualisht tek Pallati i Kongreseve po mbahet mbledhja e zgjeruar e Këshillit Kombëtar të Integrimit Europian.
Por, para takimit ajo që tërhoqi vëmendjen e medias janë takimet që këta politikanë bënë me njëri tjetrin.
Në foto shihen Meta dhe Rama që takohen dhe përshëndeten me bërryla me njëri tjetrin duke ruajtur masat e distancimit fizik për shkak të pandemisë së Covid-19.
Takimin u hap nga Rudina Hajdari, e cila është kryetare e Kombëtar të Integrimit Europian, më pas mbajti një fjalë përshëndetëse, ambasadori i BE-së në Shqipëri, Luigi Soreca.
I pranishëm ishte edhe Presidenti i Republikës Ilir Meta, i cili dha mesazhin e tij. Për zhvillimet më të fundit në kuadër të përgatitjeve për procesin e negociatave në Bashkimin Europian, po flet ministri në detyrë për Europën dhe Punët e Jashtme, Gent Cakaj ku prezantoi draft planin gjithëpërfshirës të masave të Integrimit Europian.
Po në panelin e parë do të mbajnë fjalë edhe kryeministri Edi Rama dhe kryetari i Kuvendit Gramoz Ruçi. Fjalën përmbyllëse do të mbajë fjalë Taulant Balla, nënkryetar i Këshillit Kombëtar të Integrimit Europian. Takimi vjen në një moment kur palët në Shqipëri arritën marrëveshjen për reformën zgjedhore, ndërsa Komisioni Europian pritet që të publikojë kornizën e punës për ecurinë e negociatave të Shqipërisë me Bashkimin Europian.
l.m/Fjala.al