Është rritur numri i personave të shtruar në Spitalin Infektiv për shkak të koronavirusit. Në përditësimin e situatës Ministria e Shëndetësisë bëri me dije se në 24 orët e fundit rezultojnë të jenë në spital 52 persona. Nga kjo shifër 7 janë në terapi intensive, ndërsa 1 person është i intubuar.
“Por vijon të ketë shtrime të reja në spitalin infektiv. Aktualisht në spitalin infektiv po marrin shërbim 52 pacientë, prej tyre 7 janë në terapi intensive dhe një i intubuar.”-bëri me dije Ministria e Shëndetësisë.
Gjatë ditës së sotme u konfirmua numri më i lartë i të prekurve me Covid-19 brenda 24 orëve në Shqipëri, duke rezultuar pozitiv 48 persona.
Ndërsa që nga rasti i parë në mars, totali ka shkuar në 1464 të prekur.ka.ta/Fjala.al/
