Ministria e Arsimit, Shkencës, Teknologjisë dhe Inovacionit (MASHTI) në Kosovë ndërpreu mësimin plotësues për klasat e nënta për shkak se nuk kanë respektuar masat e koronavirusit.
Rikujtojmë që më 8 qershor në Kosovë nisi mësimi plotësues për këto klasë me qëllim që nxënësit të përgatiteshin për testet, por tashmë ËSHTË MARRË TJETËR VENDIM.
“Edhe përkundër përgatitjeve jashtëzakonisht të mëdha dhe ndihmës që kanë dhënë drejtoritë komunale të arsimit, shkollat, prindërit dhe institucionet e tjera, informatat nga terreni na kanë treguar se masat mbrojtëse nuk janë duke u respektuar sa duhet. Me qëllim të mbrojtjes së nxënësve, stafit mësimor dhe të gjithë qytetarëve, kemi vendosur që mësimi plotësues për klasat e nënta në javën e dytë të ndërpritet deri në masat e tjera. Pamë se situata është shumë shqetësuese dhe virusi është prezent në Kosovë”, -u shpreh ministri i MASHTI-t, Ramë Likaj, në një konferencë për mediat.
Momentalisht në Kosovë janë konfirmuar gjithsej 1,384 raste me koronavirus, prej të cilave 921 janë shëruar dhe 31 kanë vdekur. Ndërsa vetëm gjatë ditës së premten janë regjistruar 58 raste të reja.ka.ta/Fjala.al/
