Rinisja e kampionatit shqiptar të futbollit shihej nga shumë tifozë si një “dritë në fund të tunelit” pas periudhës inaktive për gati 3 muaj. Por festivalin e golave në stadiumin Selman Stërmasi, e ka cënuar lufta e brendshme e aksionerëve në Digitalb, që ka cënuar direkt edhe abonentë.
Superliga shqiptare është kthyer në “një barcoletë”, e në ndeshjen e kësaj të diele në kryeqytet mes Partizanit dhe Luftëtarit, FSHF është “sajuar” ku të mundet. Me një komentator “në huazim” nga platforma Tring dhe me regjinë e TVSH pasi trokiti në dyert e drejtorit Thoma Gëllçi, FSHF i dha mundësinë shqiptarëve ta shonhin falas ndeshjen. Por pavarësisht kësaj shikuesit kanë qenë të paktë.
Në kanalin zyrtar në Youtube, shikuesit endeshin filimisht mes 240 dhe 250 tifozëve njëkohësisht. Në fillim të pjesës së dytë 1400-1500 shikues, shumë pak për një ndeshje ku impenjohet kampioni në fuqi, e ku llogarite që Partizani është ekipi me më tepër tifozë në futbollin shqiptar. E deri kur lufta në DGA Albania të vazhdojë, do të vazhdojë dhe “cirku” me komentatorë hua, e regji të spostuara në mënyrë kaotike.
