Ish-kryediplomati i Kosovës, Behgjet Pacolli ka reaguar pas vdekjes së 20-vjeçares nga Kosova, Heroina Mehmetaj, e cila i dha fund jetës duke u vetëvrarë.
Përmes një postimi në Facebook, Pacolli ngriti pikëpyetje për motivin e vetëvrasjes së 20-vjeçares, ndërsa quajti depresionin si shkakun më të zakonshëm të vetëvrasjes, ai shkruan se duhet të merret më seriozisht.
“Dua të shkruaj disa fjalë për rastin tragjik në Gllogjan të Deçanit. Heroina, një studente e dalluar, 20-vjeçare, zgjodhi t’i jepte fund jetës së saj. Zoti e di pse? Depresioni, si shkaku më i zakonshëm i vetëvrasjes, është diçka që duhet të merret më seriozisht. Psikologët duhet të jenë gjithmonë në dispozicion për të rinjtë. Duhet të flitet më shumë për këtë temë në shkollë dhe në shoqëri. Të rinjtë e Kosovës janë të mrekullueshëm. Ne nuk mund të lejojmë t’i humbasim. Kjo fytyrë e bukur nuk duhet të harruar. Jeta është e shtrenjtë! Familjes Mehmetaj i shprehi ngushëllimet e mia më të sinqerta. Si prind që jam, jam shumë i emocionuar nga ky rast.”, shkruan Pacolli.
Ditën e djeshme 20-vjeçarja nga Gllogjani i Deçanit u gjet e vetëvrarë. Ngjarja u konfirmua edhe nga autoritetet e policisë kosovare të cilët thanë se e reja i kishte dhënë fund jetës duke u vetëvarur.
Heroina Mehmetaj, 20-vjeçe studionte në Fakultetin Juridik në Universitetin e Pejës dhe ishte një student me notë mesatare 9.2
Vdekja tragjike e Heroinës preku jo vetëm familjen dhe shoqërinë e saj, por të gjithë publikun kosovar./Re.Gu/Fjala.al
