Kreu i PD-së Lulzim Basha ka reaguar lidhur me situatën shqetësuese në vendin tonë të përhapjes masive të virusit të ri COVID-19.
Përmes një reagimi në Twitter, kryedemokrati bën fajtor qeverinë për këtë situatë, pasi sipas tij, nëse do të ishin bërë testime si në çdo vend tjetër, qytetarët do ta dinim ku dhe si po përhapet koronavirusi.
Basha përmend dhe se i ka kujtuar kryeministrit mbylljen e fasonerive dhe call center-ave si vatrat më të mëdha që rrezikonin infektimin masiv.
Reagimi i plotë:
“Nëse Rama do të kishte bërë testime si në çdo vend tjetër, ne do ta dinim ku dhe si po përhapet koronavirusi. E kam ngritur këtë çështje me qindra herë, javë pas jave duke nënvizuar se testimi është element shumë i rëndësishëm edhe për strategjinë e daljes. I kërkova të mbrojë mjekët dhe personelin në spitalet e qendrat shendetesore, të mbyllë fasoneritë dhe call centers si vatrat më të mëdha që rrezikonin infektimin masiv, siç dhe ndodhi. Po ai nuk bëri asgjë. Propozuam edhe planin për një dalje sa më të lehtë për njerëzit nga karantina, pa rrezikuar shëndetin e tyre dhe duke mbështetur njerëzit në nevojë dhe ekonominë. Sepse shëndeti i qytetareve dhe ekonomia janë prioriteti absolut.Por Rama e kishte mendjen tjetërkund: te shfaqjet dhe zdërhalljet me orë para ekranit si narcisti para pasqyrës, tek tenderat sekretë me miliona euro vjedhje në kohë pandemie, te pagesat nga taksat e shqiptarëve për inceneratorët dhe landfillet e Bandës së Lushnjës dhe jo të siguronte testimet e duhura apo të mbështeste qytetarët në vështirësi dhe ekonominë në krizë të thellë. Sot të gjithë shqiptarët e kanë kuptuar se kërcënimi më i madh për shëndetin e tyre dhe për ekonominë e tyre është RAMAVIRUSI: ai është e keqja e vendit.” shkruan Basha.
/En.Br./Fjala.al
