Provimi i Letërsisë dhe Gjuhës Shqipe është kthyer në një nga temat më të debatuara të ditëve të fundit duke sjellë dhe revoltë nga maturantë të cilët pretendonin se përmbante pyetje jashtë programit mësimor.
Por, nuk ka të njejtin mendim me ta Prof. Dr. Asc. Pëllum Karameta. Gjatë një interviste në Report TV ai tha se testi ishte brenda programit arsimor. Karameta deklaroi se e vetmi gabim në teks ishte pyetja me “Turi” që sipas tij ishte një paragraf i marrë nga jashtë dhe në përkthim kishte gabime ortografike.
“Konstatoj se nuk njihet vetë testi. Janë marrë fragmente nga një website në një tjetër dhe janë shprehur opinione që nuk kanë lidhje me atë që është e vërteta. Testi ka 60 pyetje dhe është ndërtuar në një formë të re Është një test që i japë mundësi nxënësit të demonstrojë sa është në gjendje të komunikojë. Testi është brenda kërkesave të programit arsimor. Nuk janë paraqitur në test çështja që maturanti do ti trajtonte nga shkurti në qershor. Kjo që është vendosur në testin e gjuhës dhe këto çështje që lidhen me këtë paragraf të ‘Turit’ i qëndrojnë logjikës programore janë të afta për tu përballuar nga nxënësit? Këto janë pyetjet. Përderisa këto pyetje janë pranuar problemi në nivelin teknik është i zgjidhur. Në test është marrë nga një website i huaj një paragraf i shkruar në shqip, por derisa ai që e ka shkruar nuk e ka njohur mirë gjuhën shqipe i ka lejuar vetes të ketë gabime ortografike. Është marrë qëllimisht ky paragraf në shqip, jo i përkthyer dhe është vendosur në test. Në hyrje të testit është shkuar: Paragrafi i poshtëm përmban gabime gramatikore. Sa i takon analizës së tekstit, lidhjes së elementëve këto gabime nuk e cenojnë arsyetimin logjik se janë gabime drejtshkrimore. Testi është shkruar nga dy profesorët më të mirë. Testi nuk përmban asnjë gabim drejtshkrim me përjashtim të kësaj pjesë që është vënë qëllimisht për ta bërë alert”, u shpreh Karameta/En.Br./Fjala.al
