Një ngjarje e rëndë raportohet të ketë ndodhur në fshatin Vlashnje të Prizrenit, Kosovë.
Një automjet është përfshirë nga flakët pasditen e sotme, ndërkohë që dyshohet se brenda mjetit ka pasur një person. Sipas zyrtarëve të policisë rajonale rasti po hetohet si vdekje e dyshimtë.
“Policia e Kosovës rreth orës 15:17 ka marrë një informacion se në afërsi të fshatit Vlashnje të Prizrenit është vërejtur një automjet duke u djegur. Menjëherë njësitet policore së bashku me Prokurorin e Shtetit kanë dalë në vendin e ngjarjes dhe rasti është duke u hetuar si vdekje e dyshimtë. Dyshohet se trupi i një personi është djegur. Mosha, gjinia e personit, tipi i automjetit, as rrethanat për momentin nuk dihen”, thuhet në njoftimin e policisë së Kosovë.
Shërbimet e policisë ndodhen në vendgjarje dhe po hetojnë për të zbardhur të vërtetën./En.Br./Fjala.al
