Një ngjarje e rëndë ka ndodhur në qytetin Pratteln të Kantonit Baselland, në Zvicër me protagonist një familje shqiptare.
Mësohet se një 56-vjeçar nga Kosova ka vrarë nusen e djalit të tij, 24 vjeçe.
Mediat vendase raportojnë se më parë, ai jetonte në një banesë me djalin 27-vjeçar, nusen e djalit dhe nipin 4-vjeçar, ndërsa së fundmi familja e re ishte zhvendosur në një banesë afër prindërve, ndërsa gjyshja vazhdonte të kujdesej për nipin.
Ende nuk dihet se çfarë e ka shtyrë 56-vjeçari drejt aktit të rëndë, ndërkohë që dyshohet se vrasja ka ndodhur pas një konflikti fizik pasi ai kishte plagë në dorë.
Nuk përjashtohet mundësia që konflikti të jetë thelluar pasi djali i autorit kishte planifikuar pak kohë më parë divorcin dhe kishte marrë një avokat fshehtazi./En.Br./Fjala.al
