Një 41-vjeçar shqiptar është autori i një krimi të rëndë të regjistruar mbrëmjen e djeshme në Romë, Itali.
Ai është vënë në pranga nga autoritetet policore italiane, pasi ka qëlluar me thikë një 33-vjeçar tunizian duke e lënë të vdekur në vend. Mediat vendase raportojnë se ata ishin konfrontuar fizikisht me njëri-tjetrin dhe sherri ka degraduar deri në përdorimin e thikës nga shqiptari i cili e ka goditur disa herë në disa herë në qafë dhe kokë. Bëhet me dije se të dy kanë qenë nën efektin e alkoolit.
Trupi i pajetë i tunizianit u gjet i mbytur në një pellg gjaku nga një kalimtar i cili njoftoi urgjencën e cila s’kishte çfarë të bënte më pasi e gjeti të vdekur.
41-vjeçari shqiptar ishte i skeduar nga policia, por nuk rezulton i ndaluar për ndonjë vepër penale. Policia italiane gjeti bluzën e përgjakur të tij, i cili e kishte hedhur në një kosh plehrash, por ende nuk është gjetur thika.
Mësohet se shqiptari e ka pranuar fajin gjatë marrjes në pyetje nga grupi hetimor./En.Br./Fjala.al
