Ndërkohë që javën e fundit kemi patur një rritje të ndjeshme të numrit të infektimeve me COVID-19 dhe viktimave, një lajm shpresdhënës vjen nga epidemiolog i ISHP-së, Artan Simaku.
Sipas tij, ditët në vijim numri i rasteve me COVID-19 do të marrë trajektore rënëse. Ai deklaroi në Euronews Albania se rastet e shtuara ishin të parashikuara, ndërsa shtoi se kjo ka ardhur për shkak të lehtësimit të masave dhe mosrespektimit të masave nga qytetarët.
“Situata duhet thënë që në fillim se nuk është shqetësuese dhe nuk ka vend për panik. Në ditët në vijim parashikohet një trend në rënie e këtyre rasteve. Kjo ishte një periudhë kalimtare, e cila ishte e pritshme. Kjo ka ndodhur se nuk janë respektuar masat. Ka patur një relaksim të pretuar të popullatës dhe moszbatim të këtyre rregullave , por jo vetëm nga popullata por edhe nga shumë biznese. Apeli për popullatën është zbatimi dhe respektimi këtyre masave, sepse do të bashkëjetojmë me COVID-in.”, tha ai./En.Br.Fjala.al
