Gjatë një komunikimi live në ‘Facebook’, ministrja e Shëndetësisë, Ogerta Manastirliu, ka folur për masat që do duhet të ndiqen patjetër nga transporti publik.
Ajo ka theksuar se tashmë do të lejohet rikthimi i transportit publik në vendin tonë, por ka shtuar edhe se disa masa do të jenë kusht.
Manastirliu është shprehur se brenda mjeteve të transportit publik nuk do të lejohet asnjë person pa maskë, ndërsa ka theksuar se do jenë kusht edhe dezinfektuesit.
“Heqja e kufizimit të transportit publik është një ndryshim tjetër që vjen me mbylljen e gjendjes së jashtëzakonshme. Megjithatë, ndonëse do të rifillojë lëvizja e këtyre mjeteve do të ketë disa kushte si përdorimi i maskës që do të jetë i detyrueshëm dhe i dezinfektimit të këtyre mjeteve si dhe prania e dezinfektuesve brenda tyre.”-ka deklaruar Ministrja.ka.ta/Fjala.al/
https://www.facebook.com/watch/?v=277056596745365
