Ish-ministri i Punëve të Jashtme, Ditmir Bushati ka bërë me dije se Ylfete Fanaj, një shqiptare nga Prizreni, që është politikane e Partisë Socialdemokrate të Zvicrës është zgjedhur kryetare e Parlamentit të Kantonit të Luzernit.
Në një postim në ‘Facebook’, Bushati theksoi se në këto kohëra një lajm i tillë, i suksesit të shqiptarëve anë e mbanë botës na motivon e na bë krenar.
Më tej, në postimi e tij ish-ministri citon edhe fjalët e Fanajt duke thënë: “edhe vendet e vogla mund të realizojnë ëndrra të mëdha”.
Postimi i plotë i Ditmir Bushatit:
Sot, Ylfete Fanaj, një bashkëkombase e jona me origjinë nga Prizreni dhe politikane e Partisë Socialdemokrate të Zvicrës, u zgjodh kryetare e Parlamentit të Kantonit të Luzernit. Në këto kohëra kritike që kalojmë, çdo sukses i shqiptarëve anembanë botës na bën krenarë dhe na motivon për të punuar për një të ardhme më të mirë. Siç e tha zonja Fanaj në fjalimin e saj të parë si kryetare e parlamentit kantonal, “edhe vendet e vogla mund të realizojnë ëndrra të mëdha”.ka.ta/Fjala.al/
