Edhe 6 javë kanë mbetur nga mbyllja e Superligës dhe duket se Tirana e ka të sigurt titullin kampion. Ndonëse përpara ka takime që nuk janë aspak të lehta, skuadra e drejtuar nga trajneri Emmanuel Egbo e ka vërtetuar që nuk di të ndalet.
Në më shumë se tre muajt e fundit ekipi bardheblu i kryeqytetit ka humbur vetëm një ndeshje atë me Teutën e para dy javëve dhe ka vetëm dy barazime, ndërsa fitoret janë të shumta.
Aktualisht Tirana renditet në vend të parë me plot 9 pikë diferencë nga Kukësi i vendit të dytë dhe duket se premisat janë për ta mbajtur këtë largësi pikësh.
Në 100 vjetorin e krijimit të klubit, kryeqytetasit janë gati të rikthejnë pas 11 viteve titullin në shtëpi. Fitoret e ndeshjeve me rezultatet të thella me minimumi 3 gola janë karakteristike e Tiranës së këtij sezoni, ndaj dhe triumfi duket shumë i afërt tashmë.
Megjithatë duke filluar me ndeshjen me Skënderbeun më 28 qershor 2020, pra këtë të dielë Tirana duhet të jetë më këmbëngulëse në qëllimet e saj, që të sigurojë sa më shpejt që të jetë e mundur titullin e 28-ë të Superligës.ka.ta/Fjala.al/
