Gjykata e Apelit Kundër Korrupsionit dhe Krimit te Organizuar ka rrëzuar vendimin e ish Gjykatës për Krime të Rënda. Ish ministri Tahiri do të rigjykohet nga SPAK.
Sipas Apelit: Pretendimi i ngritur nga Tahiri se po gjykohet për të njëjtat vepra të hetuara dhe gjykuara nga drejtësia italiane nuk qëndron.
Duke iu referuar aktit të njoftimit të akuzës, seancës paraprake dhe vendimit përfundimtar, Apeli vlerëson se janë shkelur dispozitat e nenit 375 të Kodit te Procedurës penale për “ndryshimin të cilësimit juridik të veprës penale”.
Gjykata e shkallës së Parë ka ngritur një akuzë të te, por nuk i ka lënë kohë të pandehurve të njihen me të, të mbrohen apo të paraqesin prova të reja.
Prokurorët nuk kanë hetuar Tahirin për tre episode të kultivimit te narkotikëve, por i janë referuar, sipas tyre, për të provuar ekzistencën e grupit kriminal.
Për këto shkaqe, Apeli vendosi prishjen e vendimit të Shkallës së Parë dhe kthimin e dosjes për gjykim në të njëjtën gjykatë me një treshe të re.
Vendimi i sotëm vjen pas një seancë që zgjati fare pak, në prani të ish-ministrit Tahiri dhe avokatit të tij mbrojtës, Maks Haxhia.
Trupi gjykues vendosi të rrëzojë vendimin e shkallës së parë, pas të cilës nis një tjetër odise gjyqësore për ish-ministrin.
Kujtojmë se Prokuroria kërkoi për ish-ministrin dënimin me 12 vite burg.
Seanca e shkuar u shty, pasi anëtari më i ri i trupës gjykuese të çështjes, Dhimitër Lara kërkoi më shumë kohë për të shqyrtuar dosjen.
Ndërkohë që ish gjyqtarja e kësaj dosje Nure Dreni u rrëzua nga shkalla e parë e vetingut për disa pasaktësi në deklarimin e pasurisë./Bl.Ba/Fjala.al
