Me anë të një video të publikuar në rrjetin social, kreu i PD thotë se taksimi i qeverisë Rama i ka varfëruar shqiptarët.
Sipas tij, në 7 vite, ky taksim uli fuqinë blerëse, rriti çmimet dhe i falimentoi bizneset.
Kryedemokrati thotë se me planin ekonomik të PD do të përfitojnë të gjithë të punësuarit si në sektorin privat ashtu edhe në atë publik.
Basha deklaroi sot se “me taksën e sheshtë 9% do të përfitojnë të gjithë të punësuarit si në sektorin privat ashtu edhe në atë publik, dhe do të rritet fuqia blerëse e shqiptarëve”.
Basha iu përgjigj deputetit Ilir Beqaj, i cili u shpreh se “infermierët në spitale, nëse zbatohet taksa e sheshtë 9% e propozuar nga kreu i PD-së Lulzim Basha, secili prej tyre do të marrë rreth 17,000 lekë më pak në muaj apo 210,000 lekë më pak në vit”.
“Nëse paga është 40 mijë lekë të reja sot paguhet 13% ose 1300 lekë me PD-në nëse paga është 40 mijë lekë të reja do të paguhet 9 % ose 9 mijë lekë. Me taksën e sheshtë 9% do të përfitojnë TË GJITHË të punësuarit si në sektorin privat ashtu edhe në atë publik, dhe do të rritet fuqia blerëse e shqiptarëve. Më poshtë disa shembuj konkretë të përfitimeve të disa kategorive në sektorin publik nga taksa e sheshtë 9%”
Po ashtu, në një përllogaritje të pagës së 7 mijë punonjësve të Policisë së Shtetit me taksën e sheshtë 9%, çdo muaj do të paguajnë 1880 lekë më pak taksa.
“Edhe 23 mijë mësues në arsimin 9-vjeçar çdo muaj do të paguajnë 960 lekë më pak taksa; 7 mijë mësues në arsimin e mesëm do të paguajnë 1200 lekë më pak taksa; 6250 infermierë në spitale do të paguajnë 960 lekë më pak taksa; 6800 infermierë në qendrat shëndetësore do të paguajnë 620 lekë më pak taksa; 1500 sanitarë në spitale do të paguajnë 580 lekë më pak taksa; 500 shoferë të Urgjencës Kombëtare do të paguajnë 1460 lekë më pak taksa”
Postimi i plotë
Bo.Ba/fjala.al
