Dy aksidente automobilistike janë regjistruar në Lushnjë dhe për pasojë dy persona kanë mbetur të plagosur, ndërsa dy drejtues mjetesh kanë përfunduar pas hekurave.
Në pranga janë vënë shtetasit L. B., 35 vjeç, banues në Këlcyrë dhe B. M., 27 vjeç, banues në Karbunarë, Lushnje.
“Arrestimi i shtetasit L. B., 35 vjeç, u bë pasi ditën e djeshme, në fshatin Eskaj, Lushnje, duke drejtuar pa leje drejtimi motoçikletën tip “KINRON”, ka humbur kontrollin dhe ka aksidentuar shtetasin V. P., 66 vjeç, banues në Bubullimë, i cili u dërgua për mjekim në spitalin e traumës Tiranë.
Arrestim i B. M., 27 vjeç u bë pasi pasditen e djeshme, në fshatin Krutje e Poshtme, duke drejtuar në gjendje të dehur mjetin tip “Volkswagen”, është përplasur me një motoçikletë që drejtohej nga shtetasi S. D., 38 vjeç, banues në Lushnje, dhe për pasojë u dëmtua drejtuesi i motoçikletës i cili ndodhet në Spitalin e Lushnjes nën kujdesin e mjekëve.” thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Lushnje për veprime të mëtejshme proceduriale.
/En./Br./Fjala.al
