Shkencëtarët thonë se të këndosh këngët hite të Queen, Wham apo Kylie Minogue mund të të bëjnë të dukesh më i ri. Ti dëgjosh, por edhe të këndosh vetë, qoftë edhe 5 minuta në ditë, një nga hitet e tyre, të bën padiskutim të ndihesh më mirë, të gjallëron hormonet e duket sikur të rifreskon edhe lëkurën. Kënga vë në punë edhe muskujt, që më pas ndihmojnë në lehtësimin e plasticitetin e lëkurës.
Kimistët në firmën suedeze të prodhimit të produkteve të bukurisë Foreo, në bashkëpunim me Akademinë Britikë të terapisë së tingullit, kanë përpiluar një listë me 10 këngët që na ndihmojnë të qëndrojmë të rinj më gjatë. Kjo vjen falë tingujve dhe tekstit që na redukton stresin e na bën ta jetojmë jetën me një ritëm e një dinamikë të re, e cila nxit e rrit oksigjenin përqark trupit dhe në fytyrë.
Mes hiteve të propozuara për tu dëgjuar çdo ditë renditen Don’t Stop Me Now nga Queen, Spinning Around nga Kylie, Wake Me Up Before You Go-Go nga Wham, Angels nga Robbie Williams dhe Happy nga Pharrell Williams.
Një zëdhënës i Foreo tha: “Lajmi i mirë është se kënga zyrtarisht i bën mirë fytyrës dhe lëkurës së saj dhe për këtë nuk ka nevojë të këndosh bukur. Playlista jonë është dizenjuar për një pamje më të re, freskuese dhe një lëkurë që shkëlqen”./Re.Gu/Fjala.al
