Ish-deputeti i Partisë Demokratike Ndriçim Babasi deklaron se si kryesia dhe anëtarët e thjeshtë të PD-së janë të sinkronizuar me veprimet dhe mendimet, duke shtuar se ndryshimet janë vullneti i bazës.
Përsa i përket kandidimit të Krerëve të Degëve, Babasai thekson se është shumë normale që t’i nënshtrohemi procesit të votimit në strukturë në mënyrë të barabartë me kandidatet e tjerë që vijnë nga baza.
Gjithashtu, ai thekson se si Kreu i Degës 5 Tiranë shpreh dëshirën të jap kontributin tij nëse Kryesia e Partisë Demokratike e vlerëson që i plotësoj kushtet për të qenë pjesë e garës vendore dhe qendrore.
Komenti i plotë i Ndriçim Babasit
Është shumë normale dhe pritej një udhëzim i tillë, normalisht si PD dhe si dege jemi të sinkronizuar me veprimet dhe mendimet tona. Ka qenë dhe vullneti i bazës që kjo të bëhet dhe trajtohet në këtë formë.
Propozimi nga baza ishte dhe mbetet mënyra tradicionale e jona, por me statutin e ri dhe progresivitetin e kohës kemi avancuar duke marrë mendimin e bazës nëpërmjet mekanizmit të votës si shprehje e vullnetit të lirë të strukturës.
Përsa i përket kandidimit të Krerëve të Degëve, në këndvështrimin tim është shumë normale që t’i nënshtrohemi procesit të votimit në strukturë në mënyrë të barabartë me kandidatet e tjerë që vijnë nga baza.
Personalisht kam qenë dhe jam dakord me ketë udhëzim në lidhje me Kryetarët dhe Sekretaret e degëve në momentin që ata shprehin dëshirën për të qenë pjesë e garës.
Si Kreu i Degës 5 Tiranë dhe si kontributor i hershem i Partisë Demokratike shpreh dëshirën te jap kontributin tim nëse Kryesia e Partisë Demokratike e vlerëson që i plotësoj kushtet për të qenë pjesë e garës vendore dhe qendrore.
la.mi/Fjala.al
