39 vjeçarja ka shokuar fansat teksa ka publikuar orët e fundit në Instagram, foto me flokë në ngjyrë të kuqe flakë, për të cilat pyet edhe ndjekësit në qoftë se i shkojnë apo jo?
Edhe parukieri i saj prej vitesh tashmë, Chris Appleton ndau në Instagram një video të Kim, ku prezanton me krenari punën e tij. Ndryshimi i madh erdhi vetëm pak orë pasi linja e bukurisë Coty bëri të ditur se do të investojnë plot 200 mln dollarë në brendin e modës që drejtohet prej Kim Kardashian, për 4 vitet e ardhshme.
Firma gjigante e kozmetikës do të bashkëpunojë tashmë me Kim për produktet e reja të linjës së saj, përfshirë këtu kujdesin për lëkurën, thonjtë apo produktet për flokët.
Coty zotëron gjithashtu edhe shumicën e aksioneve së brendit të Kylie Jenner, pasi i blenë ato për shumën e 600 mln dollarëve./Re.Gu/Fjala.al
