Biblioteka Kombëtare tashmë ka një faqe të re online për të gjithë lexuesit, në përmbajtje të saj gjenden mbi 265 mijë faqe librash, revistash, dorëshkrimesh, antikuarësh.
Në një dalje për mediat Ministrja e Kulturës Elva Margarita, u shpreh se po punohet dhe për ndërtimin e një godine të re.
Kjo faqe e re online do të jetë në dispozicion të të gjithë lexuesve shqiptarë, në përmbajtje të të cilës do të mund të gjejnë mbi 265 mijë faqe librash, revistash, dorëshkrimesh, antikuarësh.
Ministrja e Kulturës, gjatë takimit të zhvilluar në Bibliotekën Kombëtare në 100 vjetorin e saj, tregoi se po punohet intensivisht për ndërtimin e një godine të re.
”Një program që do t’i japë jetë edhe sallave të tjera dhe ku mund të kemi mundësinë e ekspozimeve të këtyre monofakteve të rrallë. Jemi vërtet të entuziazmuar dhe do donim që t’i ndanim dhe fizikisht me publikun. Ky është një vit që për ne në fakt ka filluar me dëshirën dhe me prioritetin e Bibliotekës Kombëtare.”
Sakaq, drejtori i Bibliotekës Kombëtare Pirro Misha, tha se institucioni ka nevojë për më shumë fonde, në mënyrë që të mbrojë vlerën që mbart.
”Në kushtet e shqiptarëve ku një pjesë e madhe e shqiptarëve jetojnë jashtë botës, është një kontribut i rëndësishëm sepse kushdo kudo që është nuk ka nevojë të vijë këtu, dhe të kërkojë e të krijojë ato probleme që ne kemi për mungesë hapësirash. Mund të konsultohet.”
Krijimi i faqes online vjen në një moment kur lexuesi është i privuar nga kontakti me librin për shkak të pandemisë.
Bo.Ba/fjala.al
