Aleanca për Mbrojtjen e Teatrit Kombëtar ka dorëzuar ditën e sotme një tjetër padi në SPAK lidhur me shembjen e Teatrit Kombëtar.
Të paditurit mësohet se janë kryeministri Edi Rama, ministri i Brendshëm Sandër Lleshaj dhe kryebashkiaku i Tiranës Erion Veliaj, pasi AMT pretendon se në orët e para të 17 majit janë kryer akte kriminale.
Para Prokurorisë së Posaçme kundër Korrupsionit dhe Krimit të Organizuar ka folur për mediat aktori shumë i dashur për shqiptarët, Mehdi Malkaj. Aktori deklaroi se ka shumë besim se Teatri i ri Kombëtar do të rindërtohet pasi sipas tij një pjesë e Evropës është me ta.
“Si fillim njëherë, shkyerja e teatrit ishte e trishtueshme dhe do te dhëmb gjatë. S’jam në gjendje të shpjegoj këto që tha Ada. Por Teatri Kombëtar si nuk qenka i mbrojtur? Është kombëtar.
A kemi të drejtë të ndërrojmë vargjet e himnit. Është kombëtar! Unë jam besimplotë në këtë rast. Po ta shohësh me vëmendje ajo që është prishur në vendin tonë, nuk është ndërtuar. Është e dhimbshme.
Më gjeni një kinema që është ndërtuar apo monument kulture. Ne për të prishur jemi kompetentë, për të ndërtuar, pak e vështirë. Ketu kam besim se do të rindërtohet. Ka një pjesë evropiane që është e ndjeshme ndaj këtij teatri. Ata do të thonë fjalën e tyre. Fatkeqësia jonë kombëtare është se jemi të kufizuar me veten. S’kemi gjeruan apo austriak. Mësojmë vetëm nga vetja.”, tha Malkaj.
/En.Br./Fjala.al
