Ka rezultuar pozitiv me COVID-19 një anëtar i Urdhrit të Farmacistëve të Shqipërisë.
Lajmi është bërë i ditur nga vetë institucioni, i cili ka mbyllur zyrat dhe njofton se do të funksionojë online deri në një njoftim të dytë.
Njoftimi i plotë:
Të nderuar kolegë,
Ju bëjmë me dije se një nga anëtarët e stafit tonë, ka rezultuar pozitiv me Covid-19.
Në zbatim të protokollit të miratuar dhe në pritje të kryerjes së testimit për të gjithë stafin, zyrat do qëndrojnë të mbyllura deri në një njoftim të dytë. Të gjitha shërbimet e mundshme do kryhen online.
Duke ju kërkuar të vazhdoni të respektoni maksimalisht masat për parandalimin e përhapjes së COVID – 19, në mbrojtje të shëndetit tuaj, familjarëve dhe popullatës që i shërbeni, ju urojmë të gjithëve punë të mbarë!
/En.Br./Fjala.al
