Skandali në Akademi/ Baçe: Më thanë ç’të duhet që merresh me këto gjëra
Akademiku Apollon Baçe ka bërë publik një skandal të ndodhur në Akademinë e Shkencave disa vite më parë. Baçe shpjegoi se ndërkohë që kishte hedhur poshtë një deklaratë të Maqedonisë lidhur me origjinën e shqiptarëve, kolegët e tij në Akademinë e Shkencave i kishin thënë: “Ç’punë ke ti që përfshihesh në këto gjëra.”
-Te ne është një gjë e habitshme, enciklopedia maqedonase pati një mendim të këtillë që shqiptarët kanë zbritur nga mali nga shekulli XVI, zunë fushat dhe tokat që i kishin sllavët . Për këtë gjë unë u ngrita në Akademi, kur ka qenë një kryetar tjetër, dhe u ngrita e vërtetova se është krejt e kundërta. Atëherë mua më bënë mbledhje dhe më thanë “ç’punë ke ti që përfshihesh në këto gjëra.”
-Ky është skandal. E kush ua tha këtë?
-Kryesia. Jo aktualja. Me një fjalë, te ne shteti është ai që i inicion këto gjëra./Fjala.al/Ke.Ba
