Derbi i 157-të i kryeqytetit ose derbi i Covid-19-ës

113 563 lexime

124,178FansaPëlqeje

Derbi ka qenë gjithmonë i veçantë, por ky i 157-ti është padyshim mjaft i veçantë, por, fatkeqësisht, për arsyet e gabuara.

Epidemia e virusit “Covid-19” e ka goditur këtë ndeshje si asnjërën më parë dhe janë plot 5 futbollistë të Partizanit që kanë rezultuar pozitivë nga 50 tamponët që u janë bërë gjithsej lojtarëve dhe stafit të të kuqve kryeqytetas. Pas daljes fillimisht pozitiv të shqiptarit nga Maqedonia, Besnik Ferati, dhe rumunit Deian Boldor, edhe 3 të tjerë i janë shtuar listës së kuqe të “Covid-19”-ës dhe ata janë Çinari, Kote dhe Mala.

Të 3 raportohet të jenë asimptomatikë, ndërsa të 5 lojtarët janë në gjendje të mirë shëndetësore, por janë izoluar dhe do të mungojnë në derbi. Kjo padyshim ka krijuar mungesa të mëdha për trajnerin e të kuqve, Adolfo Sormani, i cili e ka humbur 1-5 derbin e mëparshëm dhe e di se një tjetër humbje do t’i kushtonte stolin. Por, përtej mungesave, ekziston edhe frika midis lojtarëve në fushën e blertë dhe kjo pritet ta bëjë gjendjen edhe më të tensionuar. Sikur të mos mjaftojë kjo, të dy rivalet e përjetshme kryeqytetase e kanë humbjen një alternativë shumë të kushtueshme.

Për Partizanin pritës, humbja mund të nënkuptojë kapitullimin edhe matematikisht në betejën për një vend në Evropë sezonin e ardhshëm, ndërsa, për Tiranën, do të nënkuptonte një tjetër tronditje në betejën për titull. Humbja 1-2 të hënën në shtëpi me Kukësin e ngushtoi në 6 pikë hendekun midis dy rivaleve dhe, një tjetër humbje në derbi, do të bënte që ky hendek të ishte vetëm 3, natyrisht, nëse Kukësi fiton nesër me Teutën. Po as barazimi nuk do t’u bënte punë dy rivaleve, pasi pasojat do të ishin të njëjta me humbjen./Ka.Ta/Fjala.al

Të fundit

2 dekada në koma, ndërron jetë “Princi i Fjetur” i Arabisë Saudite

Princi saudit Al- Waleed bin Khaled bin Talal Al Saud, i njohur gjerësisht si “Princi i fjetur”, ka ndërruar...

Rrëshkitësja “Rosebud” nga “Citizen Kane” shitet në ankand për 11 milionë paund

Një objekt i dhuruar nga një regjisor, i cili e mori gjatë pastrimit të një studioje, bëhet pjesa e dytë më e vlefshme e...

Zoti President, heshtja juaj është më e zhurmshme se çdo fjalim

Nga Fejzo Subashi Zoti President, Në një kohë kur rajoni lëkundet në pasiguri, kur tensionet në Kosovë prekin drejtpërdrejt sigurinë kombëtare të shqiptarëve, kur liderë botërorë...

Paga 500 euro dhe strehim, skema që po sjell punëtorët afrikanë në Shqipëri

Fatima, 28 vjeçe, është një nga punonjëset më të reja në bar-restorantin “Lulishte 1 Maji”, në zemër të kryeqytetit. Prej pak javësh, ajo është...

“Shkruaja për gazeta që sot janë mbyllur, siç po mbyllet dhe ‘Panorama’”

Nga Shpëtim Luku Gazetarinë e shkruar e kam dashur me pasion. Para se të bëhesha gazetar profesionist, kisha mbi 180 shkrime të botuara në gazeta...

Lajme të tjera

Web TV