Qeveria italiane po vazhdon të marrë masa të reja lidhur me parandalimin e përhapjes së virusit.
Përveç ndalimit për hyrjen e personave që vijnë nga vende me shkallë të lartë infektimi duket se gjendja e jashtëzakonshme do të vazhdojë deri në fund të vitit 2020.
Këto masa përfshirë edhe anulimin e rihapjes së diskove të mbyllura duket se do të vazhdojnë deri në fund të muajit korrik ndërkohë që deri në datë 14 do të përgatiten rregullimet e reja për ndërhyrjet e mundshme kundër Covid-19.
Shtrirja deri në 31 dhjetor e gjendjes së jashtëzakonshme, siç kërkohet nga Mattarella, do të shërbejë për të legjitimuar çdo kufizim të ri mbi liritë personale, dhe do të miratohet me një rezolutë të Këshillit të Ministrave. Ndërkohë, megjithatë, masat e reja do të ilustrohen të martën në Parlament nga Ministri i Shëndetësisë, Roberto Speranza.
Sipas Corriere della Sera, do të mbetet detyrimi që në vendet e mbyllura, kur distanca nuk mund të respektohet, të vendoset një maskë; ndërkohë përfundon detyrimi i përdorimit të dorezave të cilat, sipas Rajoneve, nëse përdoren gabimisht “mund të paraqesin një rrezik shtesë”. Vazhdon detyrimi për dezinfektimin e ambienteve, ashtu si dhe ato për të matur temperaturën dhe për të vënë në dispozicion dezinfektuesit te duarve në zyra dhe dyqane. Në vendet publike do të duhet të lihet të dhënat personale.
Me sa duket, rihapja e diskove të mbyllura do të shtyhet në fund të muajit, por Rajonet do të jenë në gjendje të japin lehtësira dhe të marrin përgjegjësinë për ta.
Ndalimi i tubimeve gjithashtu do të mbetet në fuqi, veçanërisht për shkak të shpërthimeve të reja që identifikohen vazhdimisht në vend, dhe kontrollet do të vazhdojnë në vendet e jetës së natës dhe në plazhe. Ndërsa në festivale, panaire të vendit dhe festivale verore, debati po vazhdon ende mbi mundësinë e kontrolleve më të rrepta.
Në fund, qeveria duhet të zgjasë ndalimin e hyrjes në Itali për ata që vijnë nga Armenia, Bahreini, Bangladeshi, Kuvajti, Omani, Bosnje dhe Hercegovina, Maqedonia e Veriut, Moldavia, Brazili, Kili, Panamaja, Peruja dhe Republika Dominikane, ndërsa kërkesa për karantinë 14-ditore mbetet për ata që vijnë nga SHBA-të. /Ra.My. Fjala.al/
