Operacioni Forca e Ligjit ka zbarkuar në Shkodër duke shënjestruar 4 persona të botës së krimit të dënuar më parë për vepra penale të ndryshme.
Është kërkuar deklarimi i pasurisë për katër persona të dënuar edhe më parë, konkretisht për Ladio Braci, Artur Ndoja, Kristian Selimi, Abedin Bajraktari.
Ladio Braci, banues në Shkodër është dënuar më parë për veprat penale “Trafikim i narkotikëve” dhe “Organizata Kriminale”.
Artur Ndoja, banues në Shkodër, i dënuar në Itali për veprën penale “Trafikimi i narkotikëve”.
Kristian Selimi, banues në Shkodër, i dënuar për veprën penale “Prodhimi dhe shitja e narkotikëve”.
Abedin Bajraktari, banues në Shkodër, i dënuar për veprat penale “Grupi i strukturuar kriminal”, “Shtrëngim me anë të kanosjes ose dhunës për dhënien e pasurisë” dhe “Kryerja e veprave penale nga organizata kriminale apo grupi i strukturuar kriminal”.
Këta persona duhet ti përgjigjen brenda 48 orëve me shkrim si subjekt i “Ligjit Special” të gjitha pyetjeve të OFL-së , përgjigjet e së cilave do ti dërgohen SPAK-ut për hetime të mëtejshme. /Ra.My. Fjala.al/
