Teksa fliste për ndryshimet kushtetuese, kreu i grupit parlamentar socialist Taulant Balla deklaron në zgjedhjet e 2021 Meta, Basha e Kryemadhi kanë të gjitha shanset të garojnë si koalicion por jo me model klasik, por me një listë të përbashkët dhe nëse nuk bien dakord për emrin e kryeministrit është punë për ta.
Sipas Ballës edhe në Kosovë nuk ka koalicione parazgjedhore por bien dakord paraprakisht partitë para zgjedhjeve.
Balla ka thënë në emisionin “Real Story” se në 2013 Ilir Meta si kryetar i LSI në koalicion me PS nuk ka pasur shanse për t’u bërë kryeministër pasi ishte dakordësuar plotësisht që kryeministër do të ishte Edi Rama si kryetar i PS.
”LSI dhe PD, për ata që janë marrë me këtë punë fillimisht partitë bien dakord në koalicion. Koalicionet kanë emër, cili do jetë kandidat për kryeministër. Ne e kemi lënë të hapur.
Për ju që mendoni se ka pasur ndonjë shans Ilir Meta për të qenë kryeministër në koalicion me PS, ka qenë plotësisht e dakordësuar që kryeministri do ishte kryetari i PS, Edi Rama.
Meta, Basha dhe Kryemadhi me ndryshimet kushtetuese i kanë të gjitha shanset, ta mbajnë ta forcojnë dhe ta konkretizojnë me listë të përbashkët. Nëse nuk janë dakord për kryeministrin është punë e tyre.”– tha Balla.
/En.Br./Fjala.al
