Ministrja e Shëndetësisë, Ogerta Manastirliu ka shpërndarë së fundmi një foto të trishtë nga brenda spitalit Infektiv, ku një e infektuar me koronavirus, e intubuar feston ditëlindjen.
Familjarët e saj të cilët nuk mund të festojnë ditëlindjen si zakonisht, i kanë dërguar një tufë me lule dhe një pusullë në të cilën shkruhet: Edhe 100 vjeç! Nga motra dhe fëmijët. E shtrenjta jonë!
“Ju lutem ndaluni pak çaste për të parë këtë nënë që po lufton për jetën në spitalin infektiv. Në ditën e saj të lindjes, në pamundësi për ta parë, fëmijët kanë dashur t’i tregojnë se i janë pranë, duke i sjellë një tufë lule në spital. Por ajo është në terapi intensive, e intubuar, vetëm për shkak të virusit të rrezikshëm, që merr jetë!,“-shkruan Manastirliu.
https://www.facebook.com/OgertaManastirliu/photos/a.176090302847028/997915800664470/?type=3&theater
Ndërkohë krahas fotos, ministrja apelon që qytetarët të vendosin maskat në mënyrë që të mos lejojmë përhapjen e mëtejshme të Covid-19./Re.Gu/Fjala.al
