Drejtoresha e ISHP-së, Albana Fico tregon se situata e COVID-19 në sipatale është alarmante.
Dita e sotme është dita me numrin më të lartë të të infektuarve në vend pasi janë regjistruar 199 persona të prekur nga koronavirusi.
Fico është shprehur se sitemi shëndetësor është në alert për shkak të shifrave të larta që janë regjistruar ditën e sotme.
Në një intervistë për News24 drejtoresha e ISHP-së ka gjetur rastin për ti bërë thirrje të gjithë qytetarëve për të respektuar masat e sigurisë dhe për të shmangur grumbullimet.
Ndër të tjera Fico ka folur edhe për ligjin e ri i cili nuk lejon grumbullimet në lokalet e natës duke e parë këtë masë si të domosdoshme dhe u ka bërë thirrje qytetarëve të drejtohen për çdo problem tek mjeku i familjes.
Sipas saj ky akt normativ ka ardhur i detyruar si pasojë e shkeljes së rregullave dhe mos respektimit të masave të sigurisë.
“Të mos harrojmë që numrat e infeksionit janë rritur. Një nga vektorët e këtij sektori janë persona që frekuentojnë lokalet. Puna e muzikës ka diskutim, si për plazhet. Muzika është parë si aspekt që grumbullon, jo si element që duhet luftuar. Në kohë COVID-19 ne kemi më shumë nevojë për hapësira artistike. Këto janë elemente sociale që sjellin grumbullime. Por ne jemi targetuar për shmagien e grumbullimeve. Le të jemi të durueshëm. Unë vetë vij nga një shtëpi artistësh, janë një grup që e ndjejnë emocionalisht, por ta mendojnë si një masë shtrënguese nga zori, jo nga qejfi. Kjo ka dhe një arsye. Nëse do ishte për të mërzitur njerëzit, dhe sidomos ato që i duam përzemërsisht, por në pandemi, në gjithë botën ka masa që vendosen.Nëse ne sillemi në këtë mënyrë do të ishte më mirë”-tha Fico
/Ra.My. Fjala.al/
