Situata e virusit të ri COVID-19 në vendin tonë vazhdon të paraqitet serioze ku rastet e reja vijojnë të jenë ende në shifra të larta dhe numri i qytetarëve që kanë nevoje për trajtim në dy spitalet Covid vazhdon të rritet.
Ministria e Shëndetësisë raporton se aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 124 pacientë, 20 në terapi intensive dhe 7 pacientë janë të intubuar.
Në 24 orët e fundit u regjistruan 68 raste të reja me COVID-19, 66 të shëruar dhe tre viktima. Numri i të infektuarve në vendin tonë ka arritur në 4358 persona, 1775 prej të cilëve janë aktualisht aktivë me COVID-19.
/En.Br./Fjala.al
