Tronditës mund të konsiderohet rezultati i mbrëmjes së djeshme për skuadrën e Juventusit. Bardhezinjtë e Italisë u mundën me përmbysje 2-1 nga ekipi i Udineses.
Ndonëse titulli kampion është vetëm çështje kohe për “Zonjën e Vjetër”, një ndeshje si ajo e mbrëmjes së kaluar lë një shije shumë të keqe.
Ekipi i trajnerit Maurizio Sarri ishte i pari që shënoi në minutën e 42-të të lojës me Matthijs De Ligt, duke zhbllokuar rezultatin.
Megjithatë u deshën vetëm 10 minuta që mikpritësit të barazonin rezultatin me Ilija Nestorovskin, ndërsa në minutat shtesë të lojës Udinese përmbysi ndeshjen me anë të golit të Seko Fofana.
Të mundej nga skuadra e vendit të 15-të të Serisë A zhgënjeu të gjithë mbështetësit e kampionëve të Italisë.
Ndërsa kanë mbetur edhe 3 ndeshje nga mbyllja e këtij sezoni bardhezinjëve i duhen minimumi 1 fitore dhe 1 barazim që të sigurojë titullin kampion pavarësisht rezultateve që mund të marrë Atalanta.
Ndërsa këtyre të fundit i duhen tre fitore dhe njëkohësisht 3 humbje të Juves që të ketë mundësinë e triumfit.ka.ta/Fjala.al/
