Si po e përdor Kina krizën në të cilën ndodhet bota nga COVID-19 për tu bërë një superfuqi botërore?
Ekspertët thonë se Kina po përdor pandeminë botërore dhe krizën që ka shkaktuar ky virus për të marrë në dorë “frerët” e botës.
Rasti i parë me koronavirus u regjistrua në Kinë dhe më pas mori një përhapje të gjerë në të gjithë botën.
Përhapja vdekjeprurëse shkaktoi kriza në shëndetin publik dhe bllokime pasi qeveritë anashkaluan gjithçka tjetër për t’u përqëndruar në betejën e dëshpëruar për të frenuar valën.
Por gjatë kësaj periudhe Pekini ka arritur të vulosë virusin brenda kufijve të vet.
Analistët dhe ekspertët perëndimorë kanë thënë se nuk është rastësi, duke paralajmëruar se Kina ka parë një mundësi për panik global.
Udhëheqësi kinez Xi Jinping ka bërë thirrje të hapur për vendin që të “shndërrojë rrezikun në mundësi”, raporton Brookings.
Cili është plani i madh i Kinës?
Andrew Erickson, një ekspert për Kinën në Kolegjin e Luftës Detare të SHBA, shkroi në tetor: “Xi Jinping zotohet ta bëjë Kinën përsëri të shkëlqyeshme. “Strategjia e Xi për një Kinë moderne me fuqi dhe ndikim të paparë kërkon rigjetjen e lavdive të humbura brenda dhe jashtë vendit.” Dhe disa thonë se nuk mund të ketë kohë më të mirë se kur pjesa tjetër e botës dobësohet dhe shpërqendrohet. /Ra.My. Fjala.al/
