Mjeku urolog, Artan Koni e ka cilësuar si qesharak vendimin e qeverisë për të ndaluar hapjen e lokaleve të natës, diskove dhe muzikës pas orës 20:00, si masë parandaluese të përhapjes së COVID-19.
Sipas tij këto vendime janë të pabazuar dhe i vjen keq që Komiteti Teknik përdoret për këto.
”Ndalimi i diskotekave, lokaleve të natës dhe muzikës pas orës 20:00?
Në çastin që kemi para me COVID-19 mund të merremi me 5-6 mënyra të ndryshme. Pra kur kemi para e buxhet. Kur s’kemi para merremi me këto vendime qesharake të duket sikur bëjmë ndonjë punë. S’ka lidhje fare me COVID-19. Siç ishte tek karantina. Pra janë vendime të pabazuara. Më vjen keq që Komiteti Teknik përdoret për këto. Do të ishte më mirë të thoshte që ta pranojmë se nuk kemi lekë.”- tha Koni në emisionin ”Kjo Javë”.
/En.Br./Fjala.al
