Mblidhet Kuvendi për çështjen Meta/ Manja: Edhe nëse votonim pro, fjalën e fundit e ka Kushtetuesja

113 563 lexime

124,178FansaPëlqeje

Ora 10:00 e ditës së sotme ka shënuar edhe fillimin e seancës parlamentare për të shqyrtuar dhe miratuar raportin e Komisionit Hetimor i cili shpëton Presidentin Meta nga shkarkimi.

Rend i ditës së sotme parashikon vetëm një pikë ku deputetët pritet të vulosin shpëtimin e Presidentit Meta nga shkarkimi.

Kreu i Komisionit Hetimor për Metën, socialisti Ulsi Manja po raporton në Kuvend gjetjet e Komisionit dhe u shpreh se edhe nëse deputetët ngrenë kartonat për shkarkimin e Presidentit, është Gjykata Kushtetuese ajo që do japë vendimin final.

“Për të qenë të qartë për opinion publik, edhe nëse seanca plenare voton kërkesën për shkarkimin e Presidentit, është Gjykata Kushtetuese ajo që jep verdiktin fianl. Lidhur me raportin që ju keni përpara dhe që është voluminoz, për të cilin ky komision ka administruar prej një viti të gjitha faktet dhe provat, Komisioni kishte për qëllim ligjshmërinë e veprimeve të Presidentit të Republikës”, tha Manja ndër të tjera.

Raporti u hartua nga relatorja socialiste Klotilda Bushka dhe u miratua nga socialistët me rezervën e Bashkim Finos dhe kundërshtimin e opozitarëve. Historia nisi një vit më parë, ku presidenti Ilir Meta anuloi datën e zgjedhjeve lokale të 30 Qershorit, socialistët ngritën një komision të posaçëm hetimor për veprimet e kreut të shtetit, ndërsa rrugës iu shtua edhe ai për debatin në Gjykatën Kushtetuese.

Opozita parlamentare e kundërshtoi duke kërkuar shkarkimin e tij për anulimin e datës së zgjedhjeve të 30 Qershorit të vitit të kaluar. Megjithatë shumica socialiste pritet që të mjaftohet vetëm me një vërejtje për Ilir Metën duke mbyllur kapitullin. Ndërkohë që në njërën nga seancat e tjera brenda sesionit, pritet që të miratohet hapja e listave dhe formula e re e koalicioneve, që kërkon ndryshime kushtetuese. /Ra.My.Fjala.al/

Lexo edhe :  Elbasani digjet, Rama ‘përvëlon’ Llajtën: Bari te varrezat ka potencialin të bëhet kallam

 

Të fundit

Kjo është Shqipëria në BE e Edi Ramës…dhe nuk keni parë gjë akoma

Vitjon Nina Ka disa dhimbje, për të cilat ia vlen të shtrëngosh dhëmbët dhe të durosh për të parë rezultatin...

Mesdheu si pishinë/ Deti arrin 30°C, shkencëtarët të alarmuar

Pushuesve mund t’u duket perfekt për not, por rritja ekstreme e temperaturave në Detin Mesdhe po alarmon shkencëtarët. Ngrohja e ujërave ka arritur nivele...

Rama paralajmëroi konfiskimin e një pallati, IKMT zbarkon në Vlorë

Pas fjalës së kryeministrit Rama, i cili paralajmëroi mëngjesin e kësaj të hëne se do të konfiskohej një pallat në Vlorë, forcat e IKMT...

Rama: T’u hiqen licencat noterëve e avokatëve që japin shërbime e-Albania me pagesë

Mediat kanë zbardhur disa prej diskutimeve në takimin me dyer të mbyllura të Kryeministrit Edi Rama me drejtorët e Bashkisë së Tiranës dhe deputetët e...

Tërmet i fortë ‘shkund’ bregdetin jugor, sa ishte magnituda dhe ku ishte epiqendra

Një tërmet me magnitudë 5.2 ballë të shkallës Rihter goditi bregdetin jugor të Spanjës, sipas Qendrës Sizmologjike Euro-Mesdhetare (ESMC). Tërmeti u regjistrua në një...

Lajme të tjera

Web TV