Vetëm disa ditë na ndajnë nga rikthimi i Champions League dhe skuadra e Real Madrid është tronditur nga një lajm që ka marrë së fundmi.
Një nga lojtarët e madrilenëve ka rezultuar pozitiv me koronavirus, duke ndikuar edhe te atmosfera pas shpalljes kampion të La Liga-s.
Sulmuesi Mariano Diaz është infektuar nga virusi i rrezikshëm dhe aktualisht është izoluar nga pjesa tjetër e skuadrës.
Bazuar në protokollet mjekësore të këtij klubi, futbollisti duhet të mbetet në karantinë derisa të konfirmohet i shëruar përmes dy tamponëve radhazi. Ai ka munguar në stërvitjen e zhvilluar nga skuadra e “Los Blancos” ditën e sotme.
Ndërsa duke pasur parasysh afatet e daljes nga karantina, 26-vjeçari pritet ta humbasë ndeshjen e kthimit të 1-8-ave kundër Manchester City, në Champions League.
Sulmuesi dhe e gjithë skuadra e Real Madrid, ka shijuar disa ditë pushimi pas fitores së trofeut të La Liga-s. Ndërsa pas kthimit nga ato pushime të shkurtra, klubi kreu testime për Covid-19 te lojtarët dhe Mariano rezultoi pozitiv.ka.ta/Fjala.al/
