Kryetari i Partisë Demokratike të Kosovës, Kadri Veseli, ka treguar se ndodhet në gjendje të mirë shëndetësore pas infektimit me COVID-19 dhe se do të qëndroj në izolim deri në shërim të plotë.
Veseli shprehet në një postim në rrjetet sociale se mezi pret të rikthehem në aktivitete dhe shumë punë të mira në PDK.
“Të dashur qytetarë, Ju falënderoj nga zemra për kujdesin dhe mesazhet inkurajuese që po më dërgoni këto ditë gjatë ballafaqimit me covid-19.
Dua të ju informoj se unë jam shumë mirë me shëndet dhe deri në shërim të plotë do të qëndroj në vetizolim.
Mezi po pres të rikthehem në aktivitete dhe shumë punë të mira në Partinë Demokratike të Kosovës.
Ju ftoj të gjithëve që të bëni shumë kujdes, t’i respektoni masat, t’i vendosni maskat, të mbani distancën dhe higjienën!” shkruan Veseli.
/En.Br./Fjala.al
