Klubi i Barcelonës ka ardhur me një risi totale në fanellën e dytë që do të veshin katalanasit për sezonin e 2020-2021.
Lojtarët e Barçës do të mbajnë një veshje që do jetë e gjitha e zezë dhe do ketë vetëm disa motive ari.
“Ngjyrat janë brenda” është slogani me të cilin ata kanë përshkruar këtë veshje, pasi klubi mezi pret të tregojë se “zemra e tifozëve të Barças është Blaugrana, pavarësisht se çfarë duket nga jashtë”.
Kjo është hera e tretë në historinë e Barças që ata kanë zgjedhur një fanellë kryesisht të zezë, pas sezonit 2011-2012 dhe atij 2013-2014.
Simbol i klubit do të jetë tërësisht i artë, ashtu si të gjithë logot e sponsorizimit.
Këto fanella tashmë janë vënë në shitje dhe mund të blihen vetëm në dyqanet zyrtare të klubit të Barcelonës.
Ndërsa vetëm dy javë më parë, Barça prezantoi edhe kitin e saj të parë, i cili u prit shumë mirë nga tifozët e katalanasve./ka.ta/Fjala.al/
