Skuadra e Kukësit ka humbur gjyqin me ish lojtarin e saj, Filip Zderic në FIFA.
Qeveria e futbollit botëror ka bllokuar merkaton e verilindorëve për shkak të borxhit të papaguar ndaj mbrojtësit, i cili ka qenë pjesë e Kukësit në pjesën e dytë të sezonit 2017-2018.
FIFA ka urdhëruar klubin e Kukësit të paguajë në total rreth 52 mijë euro (8 mijë euro rroga dhe dëmshpërblimin prej rreth 44 mijë euro).
Nëse verilindorët nuk do të paguajnë këtë shumë atëherë atyre do t’u bllokohet e drejta për të transferuar futbollistë për 3 merkatot e ardhshme
Ndërsa ka reaguar për këtë vendin në rrjetet sociale, Kukësi bën me dije se çështja në fjalë është dërguar në CAS dhe e konsideron vendimin e FIFA-s si të pakuptimtë.
“Është e vërtetë që në klub ka ardhur një vendim i tillë, mirëpo ky vendim është i pakuptimë dhe klubi ka marrë masat e nevojshme për ta çuar çështjen deri në fund. Ky vendim tashmë është në CAS”-thuhet në postim
Sipas verilindorëve kroati refuzoi t’i bashkohej skuadrës në grumbullim në sezonin 2017-2018 pasi zhvilloi 16 ndeshje në kampionat dhe u largua duke mos respektuar dënimin e klubit për të luajtur me Kukësin B.
“Mbrojtësit i është komunikuar që të bashkohet me grupin në grumbullim, mirëpo futbollisti ka refuzuar dhe për pasojë klubi e ka dënuar duke e dërguar të stërvitet me Kukësin B (aktiv asokohe). Futbollisti nuk e ka marrë parasysh këtë dënim të klubit, duke u larguar nga Shqiperia”-thuhet në reagimin e Kukësit.
Zderic luajti 16 ndeshje në kampionatin shqiptar dhe shënoi në debutim ndaj Vllaznisë në 26 janar 2018.ka.ta/Fjala.al/
https://www.instagram.com/p/CDTNH-Kj6zu/?utm_source=ig_web_copy_link
