Votimi për riemërimin e Trump, ndalohet prania e mediave në kuvendin republikan

113 563 lexime

77,486FansaPëlqeje

Një zëdhënës i Kuvendit Kombëtar Republikan tha se për shkak të koronavirusit, votimi për riemërimin e Presidentit Donald Trump pritet të bëhet në mënyrë private në fund të këtij muaji, pa praninë e mediave.

Vetë Presidenti Trump anuloi muajin e kaluar pjesën publike të kuvendit që ishte planifikuar të mbahej në Florida. Megjithatë, 336 delegatë do të mblidhen në Sharlot të Karolinës Veriore, më 24 gusht për t’i dhënë edhe një herë zotit Trump emërimin zyrtar si kandidat i Partisë Republikane.

Kuvendet e partive për emërimin e kandidatëve tradicionalisht projektohen për të qenë ngjarje me fitim të madh për mediat, pasi partitë politike përpiqen të përfitojnë nga vëmendja që ato ngjallin për të përhapur mesazhin e tyre tek sa më shumë votues që të jetë e mundur. Nëse vendimi i Partisë Republikane qëndron, kjo do të shënonte herën e parë që një parti politike e emëron kandidatin e saj për president larg syve të gazetarëve.

“Duke pasur parasysh kufizimet shëndetësore dhe kufizimet e vendosura brenda shtetit të Karolinës së Veriut, ne po planifikojmë që aktivitetet në Sharlot të jenë të mbyllura për mediat nga data 21 deri më 24 gusht,” tha një zëdhënës i kuvendit. “Me kënaqësi do t’ju njoftojmë nëse kjo ndryshon, por po punojmë brenda parametrave të përcaktuara në udhëzimet shtetërore dhe lokale lidhur me numrin e njerëzve që mund të marrin pjesë,” tha zëdhënësi.

Disa delegacione të Partisë Republikane kanë ngritur privatisht çështje logjistike që kanë të bëjnë me udhëtimin e delegatëve në këto dy shtete, duke përmendur faktin që gjithnjë e më shumë autoritete lokale po imponojnë urdhra për karantinim të detyrueshëm të njerëzve që kthehen nga shtetet të cilat po përjetojnë shtim të infeksioneve.

Lexo edhe :  Shkeljet e etikës mjekësore për vaksinën e re, mjeku rus jep dorëheqjen

Delegatët që do të shkojnë në Sharlot do të hedhin votën në emër të më shumë se 2.500 delegatëve zyrtarë që do të duhej të merrnin pjesë në kushte normale./VOA

ka.ta/Fjala.al/

Të fundit

Durrës/ Shpëtohet nga policia 25-vjeçari që ishte duke u mbytur

Një 25-vjeçar, i cili ka rrrezikuar të mbytej në plazhin e Durrësit, është shpëtuar nga policia. Shërbimet e Patrullës së...

Depresioni i merr jetën vajzës së miliarderit të njohur

Depresioni i ka marrë jetën vajzës së miliarderit të njohur amerikan New York Giants. Steve Tisch kishte tentuar vetëvrasjen më parë dhe ishte në...

Shkeljet e etikës mjekësore për vaksinën e re, mjeku rus jep dorëheqjen

Vaksina ruse që u konfirmua pak ditë më parë si e sigurtë dhe efektive për pacientë e infektuar me COVID-19 ngjalli shumë debate, pasi...

Foto/ Ronaldo me pushime në St Tropez, Georgina shfaqet në super formë me bikini

Cristiano Ronaldo dhe e dashura e tij Georgina Rodriguez janë parë në bordin e super jahtit të tyre prej £5.5 milion, në Francë. Georgina dukej...

Vogëlushja përpiqet ta ndihmojë por nuk e di se është një statujë/ Foto

Një vajzë e vogël është afruar për të ndihmuar një të moshuar, por nuk e ka ditur që përpiqet të ndihmojë një statujë edhe...

Lajme të tjera

Web TV