Detyrimet e prapambetura pritet të arrijnë në 560 mln euro këtë vit

113 563 lexime

77,366FansaPëlqeje

Ministria e Financave njoftoi në treguesit e Kuadrit Makroekonomik 2020-2023 se borxhi publik jashtë treguesve fiskale (detyrimet e prapambetura) do të arrijnë gjatë këtij viti në 70 miliardë lekë, ose 560 milionë euro.

Sipas të dhënave zyrtare detyrimet e prapambetura pritet të rriten këtë vit me 64 për qind duke arritur një pik prej 70 miliardë lekësh nga rreth 42 miliardë lekë që ishin raportuar gjatë vitit 2019.

Detyrimet e prapambetura të këtij viti arritën stokun që qeveria Rama zbuloi në vitin 2014 me rreth 71 miliardë lekë.

Shkak për zgjerimin e detyrimeve të prapambetura këtë vit në rekorde, veç të tjerash është bërë edhe pandemia Covid -19. Pandemia u bë shkak për shkurtimin e shpenzimeve buxhetore në disa zëra edhe pse kontratat e qeverisë me privatet për punime dhe shërbime ishin tashmë të lidhura.

Shkak tjetër për rritjen e stokut të detyrimeve jashtë bilancit fiskal janë duke u bërë edhe parashikimet optimiste te të ardhurave. Vitin e kaluar qeveria parashikoi fillimisht të arkëtonte 486 miliardë lekë, por në të vërtetë u arkëtuan 6 për qind më pak se plani. Duke qenë se buxhetimi behet me planin, qeveria lidh kontrata për shuma që nuk i siguron nga të ardhurat e programuara, duke krijuar kështu një stok të pashmangshëm për detyrime.

Azmi Stringa, ish-drejtori i Auditit të Buxhetit në Kontrollin e Lartë të Shtetit, është skeptik për mënyrën se si është rishikuar buxheti, pas pandemisë. Ai paralajmëron se Akti Normativ 3 është optimist, veçanërisht në kahun e shpenzimeve kapitale, çka mbart risqe për financat publike. Ministria e Financave nuk ka një kontroll të mirë mbi ecurinë e shpenzimeve publike nga njësitë shpenzuese dhe përgjithësisht, menaxhon vetëm formalisht treguesit fiskalë, duke krijuar kështu detyrime të prapambetura.

Lexo edhe :  Ferri ISIS, tragjedi “siriane” para Kryeministrisë

Një tjetër rrezik, sipas tij, lidhet me projektet e Partneritetit Publik Privat (PPP), ku duhet të kemi parasysh që për kontratat PPP, shteti ka ndërmarrë në disa raste, rrezikun e kërkesës dhe si rrjedhojë, pagesat e buxhetit nga koncesionarëve mund të jenë në rritje këtë vit.

Ministria e Financave pret në treguesit e saj fiskale që borxhi publik bruto të arrijë në 80.4% të prodhimit të Brendshëm bruto këtë, por të dhënat për borxhin publik për 6 mujorin e parë të vitit treguan se niveli i tij ka arritur tashmë në 80% të PBB-së që në muajin qershor.

 

Bo.Ba/fjala.al

Të fundit

Balla flet i prerë nga Belshi: Hapja e listave është tashmë një fakt

Kreu i grupit parlamentar të PS, Taulant Balla ka qenë i pranishën ditën e sotme në mbledhjen e Asamblesë...

Shpërndanin heroinë në kryeqytet, arrestohen 4 persona

Policia e Tiranës ka arrestuar ditën e sotme në Kombinat 4 persona për trafikim të lëndëve narkotike. Janë vënë në pranga Erjon Korteshi, Armand...

Kërcënoi se do vetëvritej me kallashnikov në shtëpinë e vjehrrit, policia jep detaje për arrestimin e 31-vjeçarit

Policia ka dhënë detaje në lidhje me arrestimin e Elton Metajt i cili gjatë natës shkoi në shtëpinë e vjehrrit të tj në Zhupan...

Eduart Grishaj surprizon me përzgjedhjen/Tinka Kurti i rikthehet kinematografisë

Regjizori shqiptar Eduart Grishaj ka surprizuar publikun me zgjedhjen e radhës në një prej projekteve të reja filmike që po xhirohet në Theth. Grishaj ka...

I shpallur në kërkim për tentativë vrasjeje, arrestohet 40-vjeçari

Policia ka vënë në pranga një 40-vjeçar me iniciale D.K pasi ka tentuar të vrasë me armë zjarri shtetasin E.Xh pas një konflikti për...

Lajme të tjera

Web TV