Janë shënuar 6 viktima për shkak të COVID-19 gjatë 24 orëve të fundit në vendin tonë.
Ministria e Shëndetësisë raporton se në dy spitalet Covid, kanë ndërruar jetë një 58 vjeçar nga Durrësi, një 70 vjeçar nga Kruja, një 82 vjeçare nga Shijaku, një 63 vjeçar nga Kukësi, një 64 vjeçar nga Shkodra, një 69 vjeçar nga Elbasani.
Numri gjithsej i viktimave në vendin tonë ka arritur në 182 humbje jete. (Qarku Tiranë 89, Shkodër 31, Durrës 25, Fier 9, Elbasan 7, Lezhë 5, Kukës 5, Vlorë 4, Korçë 4, Dibër 2, Berat 1)
Aktualisht ne spitalin Infektiv dhe “Shefqet Ndroqi” po trajtohen 110 pacientë te konfirmuar pozitiv ku 21 paciente janë në terapi intensive, 6 prej të cilëve pacientë të intubuar.
Po ashtu në dy spitalet, Covid 1 dhe Covid 2, përveç pacientëve të konfirmuar pozitivë me Covid19, vijojnë të marrin trajtim pacientë të dyshuar nga ana imazhetike si te prekur nga covid19, të cilët po trajtohen sipas protokolleve nga ekipet tona mjekësore në dy spitalet.
Sot u raportuan 139 raste të reja me COVID-19 , duke e çuar në 5889 numrin total të të infektuarve, 2589 prej të cilëve janë aktualisht aktivë.
/En.Br./Fjala.al
