Gjatë udhëtimeve me makinë,tren,avion apo traget na lind një problem ose siç njihet fenomeni i marrjes së mendve dhe të përzierat gjatë udhëtimit.
Ky problem kthehet në një shqetësim si për personat që vuan, edhe për ata që udhëtojnë me ta. Me nisjen e sezonit të verës, kur lëvizjet me makinë janë më të shpeshta, ky problem duket sikur bëhet edhe më shqetësues.
1. Duhet të keni parasysh të uleni atje ku tronditjet janë më të vogla. Një nga arsyet që të zë makina është tronditja e madhe gjatë rrugës. Minimizojini ato dhe uluni në ndenjësen përpara të makinës, ose në mes në ndenjëset mbrapa.
2.Gjithmonë duhet të shikoni përpara në drejtim të rrugës,jo anësore.
3. Shmangni leximin apo shikimin e një filmi. Mos u merrni as me telefonin tuaj.
4. Rehatohuni, vishni veshje të lirshme që nuk ju ngushtojnë tek barku dhe mbani edhe jastëkë të posaçëm udhëtimi.
5. Para se të niseni mos hani shumë. Stomaku nuk duhet të jetë as bosh, por as më i mbushur nga sa duhet.
6. Mos e nxehni shumë ambientin, shmangni aromat e forta dhe herë pas here ajroseni makinën.
7. Nisuni qetësisht dhe jo të stresuar.
8. Konsumoni xhenxhefil. Mund të jetë një zgjidhje shumë e mirë që të pini para udhëtimit tuaj ujë me xhenxhefil pasi kjo rrënjë përmban substanca antioksiduese si xhenxhifet, të cilat në kontakt me mukozën e stomakut, neutralizojnë acidin e tepërt duke mos lejuar prodhimin e tepërt të lëngjeve./St.Su/Fjala.al
