Radhë kilometrike në Kakavijë pas kërkesës së palës greke për kryerjen e testit të COVID-19

113 563 lexime

124,178FansaPëlqeje

Në Pikën e Kakavijës që lidh Shqipërinë me Greqinë të enjten janë krijuar radhë kilometrike të qytetarëve shqiptarë që kërkojnë të udhëtojnë drejt Greqisë. Radhët erdhën pas njoftimit të qeverisë greke për të kufizuar nga e diela lëvizjen, me deri në 750 persona në ditë në këtë pikë kufitare dhe kryerjen e detyruar të kontrollit për COVID 19.

Si asnjëherë më parë gjatë këtyre viteve të fundit radha e mjeteve po shkon drejt fshatit Jorgucat disa kilometër larg nga Kakavija ndërkohë që qytetarët shqiptarë po zgjedhin mjete rrethanore në makina për të mbrojtur nga dielli i fortë fëmijët dhe të moshuarit.

Në disa segmente radha e mjeteve është e dyzuar. Përparimi i makinave është mjaft i ngadaltë ndërkohë që në anën shqiptare të kufirit ka qytetarë që janë në radhë prej orës dy të mesnatës.

Vëzhguesit janë të shqetësuar se nëse prurjet do të vijojnë situata njerëzore mund të bëhet më e vështirë prej mungesës së kushteve sanitare.

Dyndja e shqiptarëve në kufi për të udhëtuar drejt Greqisë vjen pas njoftimit të autoriteteve greke për të kufizuar me 750 veta në ditë hyrjen në kufirin grek që nga e diela e 16 gushtit në pikën e Kakavijës. Po kështu të dielën autoritetet greke kane njoftuar se nuk do të lejojnë asnjë udhëtar të hyjë në Greqi pa analizën molekulare të “Covid 19”. Kjo ka rritur shqetësimin tek emigrantët shqiptarë që hynë nga Greqia ditët e fundit në territorin shqiptar dhe tani kërkojnë të rikthehen në Greqi pa filluar kuadri i masave shtrënguese.

Sipas të dhënave kufitare shqiptare në ditët e para të gushtit kanë hyrë ne territorin shqiptar disa dhjetëra mijëra emigrantë të cilët do të gjejnë vështirësi te sigurojnë në Shqipëri testin molekular për “Covid 19” dhe më pas të rikthehen në Greqi.

Lexo edhe :  Krim në zemër të Thethit/ Rama nxjerr videon, si u hodh në kosh denoncimi i policisë

Ministria për Evropën dhe Punët e Jashtme tha mërkurën përmes një postimi në rrjetet sociale se pikat e kalimit të kufirit në Kakavijë dhe Kapshticë, nga pala greke,do të jenë të mbyllura për udhëtarët dhe automjetet si në hyrje edhe në dalje të Greqisë gjatë fazës së orarit prej ores dhjetë te mbrëmjes deri në orën gjashtë të mëngjesit.

Ministria e Jashtme shqiptare i ftoi qytetarët dhe drejtuesit e automjeteve që të shmangin lëvizjet dhe udhëtimet gjatë orarit kur pikat e kalimit janë të mbyllura, pasi mjetet dhe udhëtarët nuk do të lejohen nga Policia Kufitare që të parkojnë apo qëndrojnë në territorin doganor e kufitar. Ministria e Jashtme shqiptare kujtoi se duke filluar nga data 16 gusht 2020, shtetasit që hyjnë në Greqi nëpërmjet pikës së kalimit të kufirit në Kakavije dhe Kapshticë, do të duhet të vetëizolohen për 7 ditë./VOA

Të fundit

Theu arrestin shtëpiak dhe tentoi të përdhunojë fqinjen, arrestohet 55-vjeçari

Policia në Librazhd ka arrestuar 55-vjeçarin e shpallur në kërkim pak ditë më parë. Sipas raportimeve, I.F., theu masën...

Policia i gjen 40 mijë € mallra kontrabandë, do i shiste në treg te “5 Maji”

Një 52-vjeçar nga qyteti i Kukësit ka rënë në prangat e policisë së kryeqytetit pasi u kap duke transportuar me furgon mallra kontrabandë. Mësohet se...

“Jo bulmet e mish pa faturë”/ Pas urdhrit të Ramës ministrat dalin në terren

Një ditë pas lajmërimit nga kryeministri se qumështi dhe nënproduktet e tij nuk do të shiten pa faturë, ministri i Financave, Petrit Malja, ministrja...

Endri Shabani ka një kunj për Lapajn: “Burrat e mbajnë fjalën…”

Kreu i Nismës Thurrje, Endri Shabani, komentoi zhvillimet e ndodhura së fundmi brenda koalicionit “Nisma Shqipëria Bëhet” në lidhje me mandatin e fituar nga...

“Haaland kërkoi 10 mijë euro në muaj. Bayernit iu dukën shumë”

Hermann Gerland, thuajse i përjetshëm në akademinë e Bayern, në një intervistë për Kicker ka zbuluar se Bayern e kishte "në dorë" sulmuesin Erling...

Lajme të tjera

Web TV