COVID-19 i ka marrë jetën një mjeku në Kosovë. Bëhet fjalë për internisti dhe nefrologun nga komuna e Vitisë, Feti Hetemi, i cili ka ndërruar jetë mëngjesin e sotëm.
Lajmin e kanë bërë me dije familjarët e mjekut. Ai po trajtohej prej disa ditësh në një prej linikave të QKUK-së, por nuk arriti dot të fitojë betejën me koronavirusin.
“Të nderuar familjarë, shokë dhe miq, me pikëllim të thellë ju njoftojmë se sot në orët e para të mëngjesit ka ndërruar jetë më i dashuri i ynë Dr.Feti Hetemi.Doki, edhe pse u sfidua në jetë nga shumë stuhi të natyrave të ndryshme dhe i përballoi ato kryelartë, sot ka humbur betejën me sëmundjen Covid-19.Ndjehemi të trishtuar nga kjo humbje, por më shumë se krenar që e patëm.Lamtumirë Dok, burrë fisnik që me shumë mund dhe sakrificë arrite në piedestalet e humanitetit dhe çështjes kombëtare, duke mos pushuar për asnjë moment me shpirtin tënd luftarak për të mposhtur padrejtësitë.Varrimi do të bëhet sot në ora 16:00 në varrezat e qytetit të Vitisë, duke i respektuar masat e IKSHPK-së”, thuhet në njoftimin e familjes./En.Br./Fjala.al
