Në 24 orët e fundit në vendin tonë, Ministria e Shëndetësisë konfirmoi se kanë ndërruar jetë pesë pacientë të tjerë për shkak të COVID-19.
Bëhet fjalë për një 62 vjeçar nga Gjirokastra, një 66 vjeçar nga Burreli, 72 vjeçar nga Elbasani, një 87 vjeçar dhe një 92 vjeçare nga Tirana.
Numri i viktimave nga koronavirusi në vendin tonë ka arritur në 280 humbje jete. (Qarku Tiranë 132, Durrës 39, Shkodër 36, Elbasan 15, Fier 13, Korçë 12, Lezhë 10, Kukës 6, Vlorë 6, Dibër 5, Gjirokastër 4, Berat 2)
Aktualisht në spitalin Infektiv dhe “Shefqet Ndroqi” po trajtohen 178 pacientë të konfirmuar pozitivë me COVID-19, 18 në terapi intensive nga të cilët vetëm 7 pacientë janë të intubuar. Gjithashtu në dy spitalet COVID janë duke marrë shërbim të specializuar 45 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.
Sot u raportuan 101 raste të reja me COVID-19, duke e çuar në 9380 numrin total të të infektuarve. Prej tyre, 5139 janë shëruar, ndërsa 3961 janë aktualisht aktivë./En.Br./Fjala.al
