Operacioni Forca e Ligjit i ka dërguar shkresë katër të dënuarve në Tiranë, për burimet e pasurisë, në zbatim të detyrave të përcaktuara në Aktin Normativ.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve: Altin Çela, Genci Xhixha, Ergest Zhupani, Sulejman Sina.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
Altin Çela, banues në Tiranë, i dënuar për veprat penale “Prodhimi dhe shitja e narkotikëve” dhe “Armëmbajtja pa leje”;
Genci Xhixha është ndër të pandehurit e grupit të kokainës të laboratorit të zbuluar në Xibrakë, ku gjatë operacionit të policisë u arrestua edhe nipi i ish-diktatorit Enver Hoxha, Ermal Hoxha dhe njihej si mik i tij.
Ergest Zhupani, banues në Tiranë, i dënuar për veprën penale “Vjedhja me armë”;
Sulejman Sina, banues në Tiranë, i dënuar për veprën penale “Vjedhja me dhunë”./Bl.Ba/Fjala.al