Kryeministri i Kosovës, Avdullah Hoti pritet të ketë një agjendë të ngjeshur pas takimit në SHBA, ku u arrit marrëveshja politike dhe ekonomike me Serbinë por që nuk përfshiu njohjen reciproke nga pala serbe.
Kreu i qeverisë kosovare ka bërë me dije se për marrëveshjen përfundimtare politike do të takohet me palën serbe në mënyrë që kësaj marrëveshjeje t’i shkohet deri në fund.
Ai shtoi se të martën do të vizitojë po në Bruksel selinë e NATO-s, ku do të takohet me Sekretarin Jens Stoltenberg, duke theksuar se Kosova është e bekuar me miqtë e saj si në Europë dhe në SHBA.
Postimi i plotë i Kryeministrit Hoti:
“Të martën, në selinë e NATO-s në Bruksel, takohem me Sekretarin e Përgjithshëm të NATO-s, Jens Stoltenberg, të cilin e falënderoj për gatishmërinë.
Kosova është e bekuar me miqtë e saj, në të dy anët e Atlantikut.”
Pa.Va/Fjala.al